KONEKTE TALAN AK OPÒTINITE
KONEKTE TALAN AK OPÒTINITE
Nan yon sosyete kote potansyèl jèn yo pilonan, kote opòtinite yo ra, epi kote sistèm ekonomik la pa rive absòbe ni gide jenerasyon k ap moute a, prensip “Konekte Talan ak Opòtinite” pa kapab rete yon fraz maketing ankò. Se pa yon dekorezon; se yon direksyon. Se pa yon slogàn; se yon batay estriktirèl pou fòmasyon, pou avansman, pou dignite, pou viv.
Ayiti genyen plis pase 4.3 milyon jèn ant 15 ak 35 an. Dapre done UNDP, plis pase 60 % ladan yo pa jwenn aksè ak okenn fòm travay estriktire, e plis pase 80 % pa metrize konpetans nimerik ki mande nan mache entènasyonal la. Nou se youn nan peyi Karayib la ki gen pi gwo kantite jèn san opòtinite reyèl.
Men, zafè mank opòtinite pa t ap tèlman grav si talan yo pa t ap pèdi tou.
Si gen yon kote talan mouri vit, se nan yon peyi kote pa gen estrikti pou dekouvri, fòme, devlope, epi dirije kapasite natirèl jèn yo pou yo transfòme l an rezilta.
Se nan vid sa a, platfòm HubConnect antre tankou yon zouti modèn ki pote yon repons pratik ak solid: yon platfòm ki fè pon ant sa jèn yo kapab fè, ak sa mond lan ap mande.
Yon bezwen, pa yon liks
Lè n ap gade reyalite peyi a, kesyon an pa “Eske jèn yo gen talan?”
Kesyon an se: Ki kote talan yo ale lè pa gen estrikti pou resevwa yo?
Ayiti gen mizisyen, grafis, pwodiktè kontni, kreyatè dijital, pwogramè, fotograf, vidéograph, antreprenè, pwofesè, ak inovate k ap mache nan lari chak jou. Pifò genyen kapasite pou fè pi plis, men yo pa jwenn yon ekosistèm ki ka oryante yo.
Pwoblèm nan pa janm te absans talan. Pwoblèm nan se absans chimen pou rive nan opòtinite.
HubConnect, nan vizyon li, antre pou korije espas sa. Platfòm nan pa sèlman yon sit entènèt fòmasyon; li se yon mouvman, yon entèlijans kolektif, yon espas koneksyon, yon inivèsite dijital, e pi enpòtan toujou, yon pon estratejik ant jèn ki vle devlope ak mond k ap chèche konpetans.
Pouki anpil talan pa janm rive jwenn opòtinite an Ayiti?
Gen plizyè rezon estriktirèl:
2.1. Defi sosyal ak ekonomik
– Lekòl tradisyonèl yo pa adapte ak bezwen dijital mond modèn nan.
– Gen mank ekipman, mank zouti, ak mank pwofesè ki metrize nouvo metye yo.
– Gen twòp baryè pou rantre nan endistri teknoloji, kreyasyon, antreprenarya.
2.2. Defi enfòmasyon
Jèn yo pa konnen ki opòtinite ki egziste, ni kijan pou yo jwenn yo.
Gen anpil pwogram, men enfòmasyon pa rive nan kominote yo.
2.3. Defi oryantasyon
An Ayiti, pifò jèn pa t janm gen yon moun ki oryante yo pwofesyonèlman.
Yo pa konnen nan ki direksyon mache modèn nan ap deplase.
2.4. Defi teknoloji
Antre nan ekonomi dijital mande konpetans.
San fòmasyon, san bon metòd, san sipò, jèn yo pa ka rantre nan mache sa a.
2.5. Defi kontak pwofesyonèl
Ou ka gen talan, men san rezo pwofesyonèl, san vizibilite, san koperasyon, san opòtinite pou prezante tèt ou, w ap rete envizib.
Se egzaktman pwen sa yo HubConnect antre pou rezoud.
3. HubConnect kòm Pon Ant Talan ak Opòtinite
HubConnect pa sèlman fòme; li konekte.
Li pa sèlman bay kou; li ouvri pòt.
Li pa sèlman pataje enfòmasyon; li kreye opòtinite dirèk pou jèn ki deside chèche plis.
Gen twa poto ki soutni misyon sa:
3.1. Aksè ak fòmasyon dijital
HubConnect mete fòmasyon pratik nan men jèn yo:
– videografi
– fotografi
– konsepsyon grafik
– maketing dijital
– devlopman pèsonèl
– devlopman entènèt
– antreprenarya
– metye kreyatif aplikasyon VR/AR
– e plis ankò
Tout sa, nan yon fason ki fasil pou suiv, fleksib, e aksesib.
3.2. Ouvèti sou opòtinite pwofesyonèl
Platfòm nan pa limite nan ansèyman. Li konekte:
– jèn ak konpayi
– jèn ak pwojè reyèl
– jèn ak kominote pwofesyonèl dijital
– jèn ak patnè kap chèche talan
– jèn ak travay frilans entènasyonal
3.3. Patenarya ak evènman
Nan dènye mwa yo, HubConnect sipòte:
– Kreyatè 2.0 avèk AnnKreye
– Atelye pratik ak pwodiktè kreyatif
– Fòmasyon kominotè sou dijitalizasyon
– Evènman k ap mete aksan sou inovasyon ak antreprenarya
Tout sa sigjere yon vizyon klè: bati yon ekosistèm dijital ayisyen.
4. Lektè kritik: Ki risk Ayiti pran si nou pa konekte talan ak opòtinite?
Si Ayiti pa pran wout dijital la serye:
– Nou ap pèdi yon lòt jenerasyon.
– Jèn yo pral kontinye chache opòtinite andeyò.
– Nou ap kontinye pèdi konpetans nan yon mache mondyal ki ap chanje rapid.
– Nou ap kontinye pwodwi diplòm, men pa pwofesyonèl.
– Nou ap kontinye ap lite ak chomaj, vyolans, ak fristrasyon sosyal.
Men pi gwo risk la, se sa:
Si nou pa konekte talan yo, peyi a pap janm rive devlope.
5. Slogan HubConnect la: Yon apèl, yon direksyon, yon mouvman
“Konekte Talan ak Opòtinite” pa yon fraz.
Li se yon misyon ki di:
– Chak jèn gen valè.
– Chak jèn merite yon chans.
– Chak kapasite merite yon espas pou grandi.
– Chak potansyèl merite yon avni.
HubConnect antre pou konstwi avni sa a.
Pa rete tann opòtinite. Rantre nan HubConnect pou kreye pwòp avni w.
6. Talan Ayiti pa mouri, li bezwen yon pon
Ayiti pa manke talan. Se pa vre.
Ayiti pa manke kreyativite. Se pa vre.
Ayiti pa manke jenerasyon ki vle aprann. Se pa vre.
Sa Ayiti manke, se espas ki mete talan an fas opòtinite.
Se isit la batay HubConnect pran rasin.
Se isit la batay jèn yo kòmanse.
Se isit la avni Ayiti ap konstwi.
Konekte Talan ak Opòtinite — se pa demen, se kounye a.