Antreprenarya

IMPACT NETWORK

Brumaire William Boamson 29 novanm 2025

IMPACT NETWORK

Nan yon peyi kote tèm “opòtinite” tounen yon privilèj olye yon dwa, kote pifò jèn ap viv ak fristrasyon pèmanan akoz mank espas pou grandi, evènman Impact Network ki te dewoule dimanch pase a leve tankou yon boukan cham pou montre sa ki posib lè jèn yo, kreyatè yo, antreprenè yo, ak pwofesyonèl yo jwenn yon espas ki byen òganize pou rankontre, echanje, kolabore, ak konstwi lavni.

Impact Network se pa yon evènman ki vin pase pou fè bri sèlman; li tounen yon pwen referans nan rezotaj pwofesyonèl Ayiti, yon moman ki make yon vire nan fason kominote dijital ak antreprenarya ap konstwi tèt yo. E nan sant mouvman sa a, ou jwenn HubConnect, yon platform ki deja idantifye tèt li kòm youn nan poto mitan nimerizasyon ak fòmasyon modèn an Ayiti.

Evènman sa a te pote ansanm antreprenè, vizyonè, lidè opinyon, kreyatè dijital, pwofesyonèl nan endistri kreyatif, ak jèn ki gen lespwa pou konstwi yon lòt avni, yon avni kote edikasyon, teknoloji, dijital, ak inovasyon pa tounen yon liks, men yon zouti devlopman estratejik. HubConnect te gen yon prezans ki remake pa sèlman pa logo li, men pa fason li kominike, sipòte, rive, ak rantre an dyalòg ak patisipan yo ki te vin chèche konesans ak opòtinite.

1. Yon Evènman ki Bati sou Lide “Rezo Se Kapital”

Yon etid done entènasyonal montre ke 80 % opòtinite pwofesyonèl rive atravè rezo, pa atravè diplòm. Ayiti pa yon egzanp apa. Si gen yon bagay ki ka chanje lavi yon jèn, se kapasite pou rantre an kontak ak moun ki gen eksperyans, moun ki gen pwojè, moun ki kapab gide, epi moun ki ka envesti nan kapasite yo.

Impact Network te reponn egzakteman bezwen sa.

Evènman an te konstwi sou 4 gwo poto:

– Rankont

– Pataje eksperyans

– Konekte pwojè ak resous

– Fè jèn yo vizib nan yon mache ki souvan fèmen pou yo

Sa ki te plis frape, se kantite jèn k ap chèche plas yo nan ekonomi nimerik la ki te vin ak kaye ide, pwojè an konstriksyon, oswa senpleman ak volonte aprann. Kontrèman ak anpil evènman ki plonje nan fòm san fond, Impact Network te kreye yon ekosistèm reyèl pou dyalòg pwofesyonèl.

2. Prezans HubConnect : Pa t Yon Dekorasyon, se te Yon Direksyon

Nan mitan mouvman sa a, HubConnect pa t vini kòm yon envite ki pase. Platfòm nan te vin kòm yon aktè serye k ap bati avni edikasyon nimerik. Jan anpil patisipan te fè remake li, HubConnect te youn nan estrikti ki pi koeran ak misyon evènman an ki se: bay jèn yo zouti pou jwenn opòtinite veritab.

HubConnect pwouve ke:

– fòmasyon nimerik pa dwe rete nan sal klas sèlman;

– aprantisaj dijital dwe aksesib, fleksib, ekonomik, ak pratik;

– teknoloji pa dwe rete yon konsèp abstrè nan liv;

– konesans dwe mennen nan rezo, ak rezo dwe mennen nan opòtinite.

Sa fè HubConnect vin yon patnè natirèl pou Impact Network. Paske lè youn chèche kreye espas, lòt la chèche konekte potansyèl ak avni. Lè youn mete moun ansanm, lòt la aprann moun yo kijan pou yo itilize tèknoloji pou monte pi wo.

3. Yon Analiz Kritik sou Pwoblèm ki Ap Toufe Talan Jèn Yo

Si nou analize sitiyasyon Ayiti ak je frè, gen twop defi estriktirèl ki kenbe jèn yo an otaj. Impact Network te fè nou wè sa ankò:

3.1. Izolman kreyatif

Pifò jèn gen talan, men yo travay an silans. Yo pa konnen ki kote pou yo montre sa yo kapab fè. Rezo yo fèb. E san rezo, talan se yon flanm ki tou limen pou mouri.

3.2. Manke mentò

Jèn yo pa gen moun ki gide yo. Yo pa gen moun ki ba yo direksyon. Sa kreye jenerasyon ki ap bouskile pou konprann mache travay yo poukont yo.

3.3. Mank aksè ak fòmasyon ki adapte ak epòk la

Fòmasyon tradisyonèl yo pa swiv vitès teknoloji. E se la HubConnect antre pou korije dezòd la.

3.4. Manke resous pou devlope pwojè

Gen jèn ki gen pwojè ki vo lò, men yo pa gen ni ekipman, ni sipò, ni finansman. Impact Network te raple nesesite pou konstwi pon ant pwojè ak envestisè.

3.5. Manke vizibilite

Yon pwojè san vizibilite, se tankou yon limyè kouvri ak yon twal nwa.

Evènman Impact Network te frape gwo kout pye nan baryè sa yo.

4. Kòman Impact Network Kreye Valè Reyèl pou Jèn yo?

Impact Network pa t yon evènman foto, ni yon evènman “bèl pale”. Se te yon laboratwa opòtinite.

4.1. Panel enspirasyon ak analiz pwofesyonèl

Espesyalis te pataje eksperyans yo sou:

– pwodiksyon kontni

– antreprenarya dijital

– estrateji maketing

– transfòmasyon nimerik

– endistri kreyatif

Sa bay jèn yo yon vizyon pi klè sou mache a.

4.2. Sesyon rezotaj ki frape

Espas la te ouvè pou:

– rankont biznis

– koneksyon pwojè ak moun ki ka sipòte

– chèche kolaboratè

– devlopman relasyon pwofesyonèl

Se youn nan pwen ki te pi valab.

4.3. Prezans platfòm tankou HubConnect

platfòm fòmasyon modèn nan te vo plis pase yon pannèl. Li te montre jèn yo ke:

opòtinite dijital pa nan pale; li nan aksyon.

4.4. Enèji antreprenè jèn yo

Evènman an te bay anpil jèn kouraj pou prezante pwojè yo ak fè kontak ki ka chanje lavi yo.

5. Yon Leçon Nasyonal: Ayiti Bezwen Plis Evènman Tankou Impact Network

Impact Network pa t yon evènman plezi. Li te yon pwen vire pou anpil jèn. Li montre nou sa peyi a bezwen plis:

– plis espas pou rankont pwofesyonèl

– plis opòtinite pou montre sa nou ka fè

– plis platfòm pou fòmasyon dijital

– plis patnè vizyonè tankou HubConnect

– plis estrikti ki mete jèn yo nan sant devlopman

– plis envèstisman nan ekonomi kreyatif la

Nan yon peyi kote lajistis pa fasil, kote ekonomi an febli, kote lekòl yo ap fè fas ak kriz, nimerizasyon ak opòtinite dijital yo kapab vin sèl zouti ki ka fè jèn yo pran respire.

6. HubConnect : Yon Modèl Edikasyon ki Dwe Rive nan Men Chak Jèn Ayisyen

Sa ki fè HubConnect tounen yon aktè enpòtan se:

– li bay fòmasyon modèn

– li konekte talan ak mache travay

– li pèmèt jèn yo vin endepandan

– li prepare yo pou mache dijital entènasyonal la

– li bay zouti reyèl, pa ilizyon

Lè jèn yo gen aksè ak fòmasyon, rezo, ak zouti, yo sispann vid, yo vin pwodiktif. Se la opòtinite fèt.

7. Konklizyon : Impact Network se Pwomès yon Nouvo Chapit

Impact Network pa t sèlman yon reyisit; li te yon avètisman. Yon avètisman ke:

– jèn yo pare pou travay

– jèn yo gen talan